ამოვიყვანე პასტერიზებული უცხიმო რძით შესანიშნავი ჭყინტი ყველი. გემო და ტექსტურა იგივეა, როგორიც ჩვეულებრივ ყველს აქვს, უბრალოდ უცხიმოა და ფანტასტიკურია დიეტაზე მყოფთათვის. ამრიგად, ვინც ფიქრობთ, რომ მაღაზიის რძით ვერ ამოიყვანთ ყველს – ცდებით!
ამ ფოტოებზე მოცემული ყველი არის 1.333 კგ. გამოვიყენე 9 ლიტრი უცხიმო, პასტერიზებული რძე და კვეთი, რომელიც საქართველოში 65 თეთრი ღირს და მთელი საქართველო მაგას იყენებს ყველის ამოსაყვანად,“ – ნათია ნებუნიშვილი.
ინგრედიენტები
- მარილი – 1.00 კგ
- შაქარი – 100.00 გ
- წყალი – 5.00 ლ
ყველი
- კვეთი
- რძე
მომზადების წესი
შეათბეთ რძე, არ აადუღოთ.9 ლიტრ რძეზე საჭიროა 1 თავსახურზე ნაკლები კვეთი. მოურიეთ, დაახურეთ რძიან ქვაბს თავსახური და შეფუთეთ. დაახლოებით 40 წუთში შედედებული დაგხვდებათ მასა. ხელით ჩაჭრით და გააჩერებთ 5 წუთით, განცალკევდება შრატი და ყველი, ამოიღეთ საწურზე და ასე დატოვეთ 1-2 საათი, მიაყარეთ მარილი და დადეთ თბილ ადგილას რომ ამოფუვდეს. დილისთვის უკვე მზად იყო ჩემი ყველიდა ჩავასკუპე უკვე წათხში.
წათხი: 5 ლ წყალი, 100 გრ შაქარი + 1 კგ მარილი. ავადუღოთ და გავაციოთ. გავაჩეროთ 1 დღე მაინც და მერე ჩავსვათ ყველი შიგნით.
გემრიელად მიირთვით!
