ინგრედიენტები
- ქინძი – 50.00 გ
- მარილი
- წყალი
- ძმარი – 1.00 სკ
- ძირა
- მწარე წითელი წიწაკა, დაფქული
- სვანური მარილი
- ნიორი
- ტყემალი – 300.00 მლ
- ჭარხალი
მომზადების წესი
საშუალო ზომის ჭარხალი მოვხარშოთ, გავთალოთ, დავჭრათ ფიგურული საჭრელით ან უბრალოდ დანით.
ცალკე გავამზადოთ ტყემლის სოუსი: მზა, ზამთრისთვის შენახულ ტყემალს დავუმატოთ დაჭყლეტილი ნიორი, ცოტა სვანური მარილი, წითელი წიწაკის ფხვნილი, ცოტა ძირაც, ძმარი ( მე ვაშლის ძმარს ვანიჭებ უპირატესობს…) და ცოტა ანადუღარი წყალი – ტყემალი ძალიან სქელი რომ არ იყოს, მარილი გემოვნებით. ბოლო აკორდი, ურომლისოდაც არანაირი გემო და არომატი არ ექნებოდა – 50 გრ. ცოცხალი ქინძი – წვრილად დაჭრილი. ამ სოუსით დაფარეთ ჭარხლის რგოლები, ცოტა ხნით დააყოვნეთ, რომ გემოები კარად გაუჯდეს.
საოცრად ჯანსაღი, სასარგებლო და უზომოდ გემრიელია, უხდება ყველფერს: შემწვარ კარტოფილს, ქათმის ხორცს, უბრალოდ მაკარონს, ან შემწვარ კვერცხს.
